Scientia in le Antiquitate classic

Le scientia in le antiquitate classic comprende investigationes sur le functionamento del mundo o del universo dirigite a metas practic (per exemplo, establir un calendar reliable o determinar como curar un varietate de maladias) assi como investigationes plus abstracte que pertine a philosophia natural. Le antiquitate classic es traditionalmente definite como le periodo inter le seculo VIII a.C. e le seculo VI d.C., e le ideas concernente le natura que esseva theorisate durante iste periodo non esseva limitate a scientia, ma includite etiam mythes como etiam religion. Illes qui nunc es considerate como le prime scientistas pote haber se considerate como philosophos natural, como practicantes de un profession habile (per exemplo, medicos) o como adherentes de un tradition religiose (per exemplo, guaridores de temple). Alcun del figuras plus cognoscite active in iste periodo include Hippocrates, Aristotele, Euclide, Archimedes, Hipparcho, Galeno, e Ptolemeo. Lor contributiones e commentarios se disseminava in le mondes oriental, islamic, e latin e contribueva al nascentia del scientia moderne. Lor obras comprehendeva multe differente categorias, includente mathematica, cosmologia, medicina, e physica.